Brais das Hortas – Zona en Obras

SINOPSE

Atención! Esta contada está en obras. Si : está sen acabar. Pero non vos preocupedes. Temos un andamio, tubos de antenista, unha guitarra eléctrica cun looper, unha batería cun capacho e un caldeiro, ferramentas… e a axuda do inestimable público.

Malo será que entre todos non acabemos estes contos cheos de música e ritmo. Contos de osos tristes, de extraterrestres que viaxan en caldeiros de fregar, de cans de palleiro que se convirten en superstars…

A nova tolería de Brais das Hortas. Contos, música, títeres, instrumentos con obxectos e moita interacción co público.

 

FICHA ARTÍSTICA

  • Elenco : BRAIS DAS HORTAS
  • Nome do espectáculo : ZONA EN OBRAS
  • Modalidade artística : Narración oral, música en directo
  • Público ao que vai dirixido : Infantil e familiar
  • Idioma : Galego
  • Duración do espectáculo : 60 min
  • Ubicación : Interior e exterior

Axenda de Brais das Hortas

Biografía

Narrador, músico e creador de instrumentos de refugallo. Mistura diversos xéneros coma os contos, a música ou os títeres, cunha posta en escena divertida, participativa e retranqueira.

Como narrador ten espectáculos individuais pero tamén forma parte da Tropa de Trapo.

Como músico actualmente forma parte de Blues do País, Sacha na Horta e o Concerto PunkInfantil, aínda que pasou tamén por bandas coma Sons Miúdos, Mamá Cabra, Banda Fura Fura… e colaborou con Ataque Escampe, Sofía Espiñeira, Mark Wiersma…

Ademais fai obradoiros e compón bandas sonoras para outros espectáculos.

Vídeos

Outros espectáculos de Brais das Hortas

Contos de defuntos...

Contos de mortos que non están tan mortos.

Concerto Punk Infantil

Un cantante punk e un cantante infantil condenados a compartir escenario.

Contos para caghar patatillas

Quen ten cu, ten medo. Iso non é malo : é normal

O avó que saiu da maleta

Cores, contos, música,… e unha historia de amor entre dous homes.