Brais das Hortas / Contos para cagar patatillas

SINOPSE

Quen ten cu, ten medo. Iso non é malo : é normal. Valente non é quen non ten medo, senón quen é capaz de enfrontar o seu propio medo.

Diso falan estes contos, cheos de música, de humor, de efectos especiais, de participación do público, baile, construción de instrumentos de refugallo e moito máis.

Historias que falan de pedras que se converten en xigantes, un romance galego que canta a aposta de dous amigos nun cemiterio, un león e unha elefanta no medio da noite na sabana africana, unha nena que escoita por vez primeira a tormenta… Historias que saen dunha vella maleta escondida no faiado nunha noite de inverno.

FICHA ARTÍSTICA

  • Elenco : BRAIS DAS HORTAS
  • Nome do espectáculo : CONTOS PARA CAGHAR PATATILLAS
  • Modalidade artística : Narración oral, música en directo
  • Público ao que vai dirixido : Infantil e familiar
  • Idioma : Galego
  • Duración do espectáculo : 60 min
  • Ubicación : Interior e exterior

 

Axenda

Biografía

Narrador, músico e creador de instrumentos de refugallo. Mistura diversos xéneros coma os contos, a música ou os títeres, cunha posta en escena divertida, participativa e retranqueira.

Como narrador ten espectáculos individuais pero tamén forma parte da Tropa de Trapo.

Como músico actualmente forma parte de Blues do País, Sacha na Horta e o Concerto PunkInfantil, aínda que pasou tamén por bandas coma Sons Miúdos, Mamá Cabra, Banda Fura Fura… e colaborou con Ataque Escampe, Sofía Espiñeira, Mark Wiersma…

Ademais fai obradoiros e compón bandas sonoras para outros espectáculos.

Outros espectáculos de Brais das Hortas

Contos de defuntos...

Contos de mortos que non están tan mortos.

Zona en Obras

Atención, ésta contada está en obras.

 

Concerto Punk Infantil

Un cantante punk e un cantante infantil condenados a compartir escenario.

O avó que saiu da maleta

Cores, contos, música,… e unha historia de amor entre dous homes.