Tropa de trapo / Ti tamén contas

SINOPSE

TI TAMÉN CONTAS é máis ca un espectáculo de contos. Hai contos pero tamén hai debate. Porque nós temos cousas que contar, pero o público tamén.
Arrincamos primeiro cuns contos que porán enriba da mesa diferentes cuestións. E despois xogaremos a debatir todos e todas a través de dinámicas activas e participativas.

Entendemos que para a sensibilización sobre a cooperación e a solidariedade é preciso primeiro unha reflexión sobre o mundo. Comezando polo mundo que nos rodea, no que a nosa acción é máis directa e tanxible. Por iso cos contos cuestionaremos :

– a abundancia de cousas materiais, os xoguetes que temos, os que precisamos e os que non usamos
– a relación entre ter moito e ser feliz, o que pensa a xente, o que pensa o público
– as consecuencias que ten esta abundancia de cousas para unha parte do mundo, as consecuencias do traballo en condicións de explotación, o traballo infantil
– a importancia de axudarse e colaborar para mellorar o mundo no que vivimos, os efectos das nosas accións sós e en comunidade

Nós poñemos as historias e o público pon as reflexións. Compartirémolas xogando, entre todas e todos. Porque todos contamos.

2 XIRAS CO FONDO GALEGO DE COOPERACIN E SOLIDARIEDADE

 

FICHA ARTÍSTICA

  • Elenco : MARTA ORTIZ e BRAIS DAS HORTAS
  • Nome do espectáculo : TI TAMÉN CONTAS
  • Modalidade artística : Contos, música en directo, debate en escena, teatro da oprimida
  • Público ao que vai dirixido : 2º e 3º Ciclo de Primaria
  • Idioma : Galego
  • Duración do espectáculo : 60 min
  • Ubicación : Interior ou Exterior

Axenda

Biografía

Facemos contos con música. Historias que teñen moito que dicir, cun trasfondo social e unha vertente pedagóxica coidada. E música con todo tipo de instrumentos e obxectos.

A Tropa de Trapo somos Marta Ortiz e Brais das Hortas.
Xuntos contamos para todo tipo de públicos (infantil e familiar, adolescente e adulto) e en todo tipo de situacións (auditorios, casas da cultura, institutos, colexios, prisións, rúas, prazas, cemiterios…).
Facemos contos con música.
Historias que teñen moito que dicir, cun trasfondo social e unha vertente pedagóxica coidada.
E música co que sexa. Tanto instrumentos habituais (guitarra eléctrica, clásica e acústica, frautas, acordeón, loopstation, laúde árabe…) coma creados por nós (beatería de refugallo, antenas tubulares, efectos sonoros…). Música que lle dá ambiente aos contos ou para bailarmos coa xente.
Sempre con ritmo, humor e moita participación do público.
Levamos 10 anos contando e percorrendo a xeografía galega. Xiramos xa 6 veces co Fondo Galego de Cooperación e Solidariedade, tamén fixemos funcións escolares coa Fundación Abanca por auditorios e teatros de toda Galicia, centos de colexios e institutos, festivais, romarías e festas… Porque todo sitio é bo para unha boa historia.

Vídeos

Outros espectáculos de Tropa de Trapo

A historia de Antía, unha nena galega, e Wamba un rapaz do Congo.

 

Unha nena galega que vai merendar ao parque topa cun mozo do Congo que vende de todo no Top Manta.

Catro contos de nenas (das grandes e das pequenas) con voz propia

CONTAMOS TODAS é un espectáculo e un obradoiro á vez.