Ir á páxina
Charlatana

Trasno Arnaldo – «Alguén máis o viu?» Din que o Mar de Ardora é só unha lenda… ata que o ves cos teus propios ollos. Cos trasnos galegos pasa o mesmo.

Arnaldo nace da mitoloxía e do imaxinario popular de Galicia.
Aparece cando menos o esperas, coa súa pequena concertina entre as mans, enchendo os camiños de música, baile e sorrisos. Abre e pecha os ollos, fala, canta… e semella tan real que fai dubidar a quen o contempla.
Pero Arnaldo nunca viaxa só.
No seu vello e máxico sombreiro vive Groseliña, a fada dos froitos do bosque. Ás veces asoma con timidez, outras deixa que a música a leve e baila ao ritmo da concertina.
E nas súas costas agóchanse as Pinkis, elfas das flores da montaña, curiosos e trasnudos, sempre preparados para sorprender a quen se achegue.
Un trasno, unha fada e un grupo de elfos…
Pode que sexa unha lenda. Ou pode que hoxe sexa o día no que ti tamén os vexas.

Elenco
Marcos Aboal
Modalidade artística
Animación de rúa, monicreques
Público ao que vai dirixido
Todos os públicos
Idioma
Galego
Duración
50 min.
Localización
Exterior ou interior