O proxecto nace do poemario Feitas ao Sisel (premio de Poesía Erótica das Illas Sisargas) escrito por Diana Kurich, integrante tamén do proxecto.
O poemario fai un percorrido metafórico entre o baile tradicional e a sedución entre dúas mulleres. O poemario antes que escrito foi bailado nos torreiros que eran e son lugares de sedución masiva, e é por iso que cada poema leva o nome dun baile tradicional.
Esta semente levou a seis mulleres de diferentes ámbitos artísticos a xuntarse para formular unha peza, na que música tradicional e electrónica, baile tradicional e contemporáneo e a palabra recitada e cantada se mesturan sen perder a súa esencia, buscando así eses espazos comúns que nos permiten habitar dende todas as entidades que somos.
De xeito transversal, esta peza intregra temas como o lesbianismo, as non monogamias, o ecoloxismo, a antigordofobia, o clasismo, o transfeminismo, o anticuerdismo, o decolonialimos e o antirracismo.
- Elenco:
- Loaira Lázare, Patricia Gamallo, Inés Mirás, Carme Campo, Arantxa Alfaia, Diana Kurich
- Nome do espectáculo:
- Feitas ao sisel
- Modalidade artística:
- Performance, Música ao vivo, Danza, Poesía
- Público ao que vai dirixido:
- Todos os públicos
- Idioma:
- Galego
- Duración do espectáculo:
- 45 minutos
- Localización:
- Espazo interior ou exterior