Unha pequena pita cun soño pode facer moitas cousas: salto de lonxitude, bailar claqué, e moitas outras cousas! E, sobre todo, pode conseguir o máis importante: mudar as normas do galiñeiro!
No galiñeiro no que vive a pita Coro hai unha gran consigna, a do amor e señor Don Quiríaco: "Os galos mandan e as galiñas apandan". Mais Coro ten moi claro que ela non quere ser unha galiña poñedora, ela o que quere é organizar o traballo do galiñeiro, como o fai o galo Quiríaco. Despois de convencer ao resto das galiñas de que elas tamén poden mandar, as poñedoras trazarán un plan contra o Sr. Quiríaco e axudarán a Coro a liderar o galiñeiro.
Con guión de Marta Lado, "A Pita Xefa" aborda o tema da igualdade cunha historia divertida e reivindicativa, criticando os roles de xénero e os estereotipos. E o fai animando a romper os esquemas sexistas dominantes, dun xeito lúdico e poñendo de manifesto a utilidade da unión.
- Elenco:
- Títeres Alakrán
- Nome do espectáculo:
- A pita xefa
- Modalidade artística:
- Teatro vivo, títeres.
- Público ao que vai dirixido:
- Infantil e familiar
- Idioma:
- Galego
- Duración do espectáculo:
- 40 minutos
- Localización:
- Espazo interior ou exterior