Ir á páxina
Charlatana

A ESTRADA é unha road movie cunha pallasa ao volante. Pajarito está perdida, ten que fuxir do punto no que está, aínda que non saiba moi ben a onde. E que mellor destino para quen non sabe onde vai que o Camiño de Santiago?

Pero Pajarito non é unha peregrina calquera. Polo Camiño non fará máis que dar voltas, atravesando cidades, desertos e rotondas, moitas rotondas. Porque hai tantos xeitos de chegar a Santiago como maneiras de perderse polo camiño.

Unha persecución, unha viaxe trepidante chea de maxia e gags, na que fai falta perderse para volver atoparse. E na que o importante, como en toda boa peregrinación, quizais non sexa chegar ao destino, senón todo o que acontece durante a viaxe.

A ESTRADA é o novo espectáculo de clown de Natalia Outeiro «Pajarito», unha travesía por un territorio imaxinario onde os referentes cinematográficos e musicais dos noventa, a conexión emocional co público, o clown, a nostalxia e o humor servirán de mapas para percorrer un Camiño de Santiago tan disparatado como inesperado.

Elenco
Natalia Outeiro "Pajarito"
Modalidade artística
Circo, malabares, humor, clown
Público ao que vai dirixido
Todos os públicos
Idioma
Galego
Duración
60 min.
Localización
Espazo interior ou exterior