Habelas Hainas

Habelas Hainas nace en Compostela en 2010, tempo no que se cruzan os camiños de Olalla Liñares, Patricia Gamallo, Arntza Alfaia, Cristina Sánchez, catro músicas de raíz galegas, crebacabezas musical e persoal que se sinte parte dunha tradición longa, viva e en permanente transformación, da que xorde a natural necesidade de se expresar, dende unha ollada feminista e social, explorando outras músicas, experimentando coa tradición e creando un son propio, fresco, enérxico e orixinal nunha intensa traxectoria como músicas ao vivo.